BAKI, TurkicWorld, Nailə Babazadə
Türkiyənin əhalisi 1 oktyabr tarixinə olan məlumata görə 85 milyon 980 min 654 nəfər olub.
TurkicWorld xəbər verir ki, Türkiyə Statistika Qurumunun (TÜİK) açıqlamasına görə, ölkənin əhalisi illik və üç aylıq dövrlər üzrə izlənilir. 2024-cü ilin sonunda əhali 85 milyon 664 min 944 nəfər olub və ilin ilk 9 ayında 315 min 710 nəfərlik artım qeydə alınıb. 1 iyul-1 oktyabr dövründə isə əhali 155 min 800 nəfər artaraq ümumi sayını 85 milyon 980 min 654 nəfərə çatdırıb.
Əhalinin cinsiyyət bölgüsünə görə, kişilərin payı 50,02 faiz (43 milyon 3 min 770 nəfər), qadınların payı isə 49,98 faiz (42 milyon 976 min 884 nəfər) təşkil edir.
Bu göstəricilər ölkədə əhalinin bərabər cins bölgüsü və sabit artım tendensiyasını göstərir.
