BAKI, TurkicWorld, Zeynəb Babayeva
Türkiyə 2025-cü ilin iyul ayında İrana mebel ixracını 2024-cü ilin eyni dövrü ilə müqayisədə 15,9 faiz azalaraq, 21 milyon 506 min 42 dollara çatdırıb.
Bu barədə TurkicWorld-a Türkiyə Ticarət Nazirliyindən məlumat verilib.
2025-ci ilin yanvar – iyul aylarında Türkiyədən İrana mebel ixracı ötən ilin eyni dövrü ilə müqayisədə 2,8 faiz azalaraq, 151 milyon 111 min 68 dollara bərabər olub.
Qeyd edək ki, 2025-ci ilin yanvar-iyul aylarında Türkiyənin mebel ixracı ötən ilin eyni dövrü ilə müqayisədə 0,2 faiz artaraq, 4 milyard 508 milyon 570 min dollara bərabər olub.
“Bu ilin iyul ayında Türkiyə 3 milyard 837 milyon 870 min dollar məbləğində mebel ixrac edib ki, bu da keçən ilin iyul ayı ilə müqayisədə 2,2 faiz azdır” – deyə nazirlikdən bildirilib.
Qeyd olunub ki, son 12 ay ərzində (iyul 2024-iyul 2025) Türkiyə 7 milyard 901 milyon 149 min dollar məbləğində mebel ixrac edib.
