BAKI,TurkicWorld,Yusif Şərifzadə
İsrail Livanın cənubunda üç kəndin sakinlərinə məcburi köçmə əmri verib. Bu kəndlərə Sarafand, Sidon şəhərindən 10 km cənubda yerləşən Aralıq dənizi sahilindəki kənd, eləcə də Sidon rayonunda yerləşən İqlim əl-Tuffah və Mazraat Sina daxildir.
TurkicWorld xəbər verir ki, İsrail ordusunun nümayəndəsi bildirib ki, “Təhlükəsizliyiniz üçün evlərinizi dərhal tərk edib Zahrani çayının şimalına keçməlisiniz. Hizbullah elementləri, onların obyektləri və döyüş vasitələrinin yaxınlığında olmaq həyatınızı təhlükəyə atır.”
Livanda “atəşkəs” qüvvədə olmasına baxmayaraq, Hizbullah ilə İsrail qüvvələri arasındakı döyüşlər getdikcə intensivləşir. Bu əmrlər regionda vəziyyətin hələ də gərgin olduğunu və mülki əhalinin təhlükədə olduğunu göstərir.
