BAKI,TurkicWorld
İsrailin Baş naziri Benyamin Netanyahu BMT Baş Assambleyasının iclasında çıxış etməzdən əvvəl ABŞ-yə səfər edib.
TurkicWorld xəbər verir ki, Benyamin Netanyahu Nyu-York şəhərinin şimalında yerləşən Stüart Beynəlxalq Hava Limanına enib.
İsrail Baş nazirinin ofisinin yaydığı görüntülərdə Benyamin Netanyahu və həyat yoldaşı Sara Netanyahu “Sion qanadı” adlı təyyarədən enərkən əks olunub.
Onları İsrailin Nyu-Yorkdakı baş konsulu Ofir Akunis, eləcə də İsrail və ABŞ hərbçilərinin nümayəndələri qarşılayıblar.
Benyamin Netanyahunun BMT Baş Assambleyasının 81-ci sessiyası çərçivəsində yerli vaxtla saat 14:00-da çıxış etməsi gözlənilir.
İsrail rəhbərinin çıxışında Yaxın Şərqdəki vəziyyət, təhlükəsizlik məsələləri və ölkəsinin beynəlxalq gündəmlə bağlı mövqeyi barədə danışacağı bildirilir.
