Bakı. TurkicWorld:
“Hizbullah” hərəkatı Cənubi Livanda İsrail mövqelərinə qarşı yeni silsilə hücumlar həyata keçirdiyini bəyan edib. Bildirilib ki, hücumlar Biyyada və Rəşaf ətrafındakı əraziləri hədəf alıb.
TurkicWorld xəbər verir ki, Livanın Milli Xəbər Agentliyinin yaydığı məlumata əsasən, təşkilat Biyyada yaxınlığında hərəkətdə olan İsrail qüvvələrinə və qəsəbədə yerləşən komanda məntəqəsinə zərbələr endirdiyini açıqlayıb.
Məlumata görə, Rəşaf istiqamətində də bir qrup İsrail hərbçisi və hərbi texnikası hədəfə alınıb.
Bundan əvvəl İsrail ordusu “Hizbullah”ın raket və pilotsuz uçuş aparatları ilə həyata keçirdiyi hücumlar nəticəsində İsrailin şimalında və İsrailin nəzarətində olan Cənubi Livan ərazisində üç hərbçinin yaralandığını bildirmişdi.
