Bakı, TurkicWorld
İraqın mərhum prezidenti Səddam Hüseynin qızı Rəqad atasının Amerika qüvvələri tərəfindən saxlanıldığı zaman yazdığı bəzi xatirələrini dərc etməyə başladığını açıqlayıb.
TurkicWorld AzerVoice-a istinadən xəbər verir ki, Səddamın ölümündən təxminən 18 il sonra (o, 2006-cı ilin dekabrında edam edildi) bu xəbər sosial mediada geniş marağa səbəb olub.
Rəqad Səddam “X” platformasındakı rəsmi hesabında yazıb: “Bu gün sizin xatirələrinizin kiçik bir hissəsini dərc etməyə qərar verdim. Bəzi nəşriyyatların bu xatirələri dərc etməsinə qadağa var. Bu xatirələr, bir çox pərəstişkarlarınız və hətta başqaları üçün vacibdir”-deyə yazıb.
Səddam Hüseynin terror dəstəklədiyi bəhanəsilə, ABŞ 2003-cü ilin martında İraqı işğal etdi.
Səddam Hüseyn müharibə cinayətləri, soyqırım və insanlığa qarşı cinayətlər də daxil olmaqla bir çox ittihamlarla məhkəmə qarşısına çıxarıldı və 2006-cı ilin noyabrında onun məhkəməsi başa çatdı və o, asılaraq edam cəzasına məhkum edildi.
Səddam 1979-cu iıdən İraqı idarə edirdi.