Bakı. TurkicWorld:
Tam adı Ayşe Ajda Pekkan olan sənətçi 12 fevral 1946-cı ildə Türkiyənin İstanbul şəhərində anadan olub. Atası Rıdvan Pekkan dəniz komandiri, anası Nevin Dobruca evdar qadın olub. Atasının vəzifəsinə görə uşaqlığı Gölcük rayonunda, Amerika əsgərlərinin ailələri arasında keçib. Modern mühitdə, lakin ailə problemləri ilə keçən uşaqlıq illəri Ajda Pekkanın gəncliyinə təsir edən mühüm dövr olub.
Müğənni olmağa çox həvəsli olan, Çamlıca Qız Liseyində oxuyan Ajda Pekkan 1962-ci ildə bacısı Semiramisin dəstəyi ilə dövrün ən məşhur gecə klubunun sahibi İlham Gencerlə tanış olub. O, ilk dəfə Roof gecə klubunda Los Çatikos ansamblının müşayiəti ilə Mina Mazinin "Il Cielo In Una Stanza" mahnısını oxuyaraq bir müddət səhnədə yer alıb. 1963-cü ildə ailə dostlarının təşviqi ilə “Səs” jurnalının filmlərə yeni üzlər qazandırması üçün başlatdığı müsabiqəyə qatılıb. Müsabiqədə birinci seçilməsi ilə Ajda Pekkanın peşəkar karyerası başlayıb.
Avropalılara bənzər görünüşü və cəsarətli davranışı ilə Ajda Pekkan gələn film təkliflərini dəyərləndirməyə başlayıb və 1963-cü ildə “Adanalı Tayfur” filmi ilə ilk dəfə kamera qarşısına çıxıb. Sənətçi ümumilikdə 47 filmdə yer alıb.
O, hələ filmlərə çəkilməzdən əvvəl xarici mahnılara türkcə sözlər yazan bəstəkar Fecri Ebcioğlu ilə tanış olub və müğənni olması üçün ondan kömək istəyib. O, Fecri Ebcioğlunun dəstəyi ilə Salvatore Adamonun mahnılarını fransız aksenti ilə oxuyaraq tanınmağa başlayıb və 1965-ci ildə "Her Yerde Kar Var /" 17 Yaşında” ilk albomu işıq üzü görüb. Səhnədən kinoya keçən sənətçilərin əksinə, kinodan səhnəyə keçən Ajda Pekkan "İki Yabancı" albomu ilə satış rekordu qırıb. Bundan əlavə, ard-arda “Dünya Dönüyor”, “Saklanbaç”, “Üç Kalp” kimi sevilən albomlar çıxarıb.
Bu kimi nailiyyətlərindən sonra xarici ölkələrdən dəvətlər almağa başlayıb. 1968-ci ildə Afinada keçirilən Beynəlxalq Apollonia Musiqi Festivalında "Özleyiş" və "Perhaps One Day" mahnıları ilə ard-arda iki dəfə dördüncü yeri tutması onun musiqi sahəsindəki rolunu gücləndirib.
Ajda Pekkan Barselonada keçirilən Akdeniz Musiqiləri Festivalında Türkiyəni "Ve Ben Şimdi" mahnısı ilə təmsil edib və bu musiqilər bir çox filmdə istifadə edilməyə başlayıb. Bununla da Ajda Pekkan ölkənin tanınmış müğənnilərindən birinə çevrilib.
Hər ölkədən sənətçilər seçən və dəstək olan Fransanın Philips şirkəti Türkiyədən Ajda Pekkanı seçib. Türk bəstəkar Fikrət Şeneşin yazdığı və Fransa studiyalarında lentə alınan mahnıları ilə Ajda Pekkanın digər müğənnilərdən bir addım önə çıxdığı illər başlayıb.
Ard-arda hit albomlar çıxaran Ajda Pekkan təkcə musiqiləri ilə deyil, dəbli geyimi, daim görünüşündə etdiyi yeniliklərlə modada da pərəstişkarlarını heyran edən ikonaya çevrilib.
1970-ci illərin ortalarında “Sensiz Yıllarda", "Yalnızlıktan Bezdim " kimi səsləndirdiyi musiqilərin, "Tanrı Misafiri", "Kimler Geldi Kimler Geçdi" kimi mahnılarının ardından, 1976-cı ildə Parisdəki məşhur Olimpia musiqi zalında Əlcəzair əsilli məşhur fransız müğənnisi Enriko Macias ilə birlikdə konsertlər verməyə başlayıb.
O, 1977-ci ildə ilk dəfə “Superstar” titulunu rəsmiləşdirərək möhtəşəm üz qabığı dizaynı ilə "Kim Ne Derse Desin" və "Hancı" kimi mahnıların yer aldığı "Superstar" albomunu hazırlayıb.
Onun mahnılarından fon musiqisi kimi təkcə türk kinolarında deyil, xarici ölkələrin kinolarında da istifadə olunub.
Ajda Pekkan 1990-cı ildə “Ən yaxşı qadın musiqiçi”, 2012-ci ildə “Ən yaxşı albom”, “Ən yaxşı musiqi” kimi mükafatlara layiq görülüb.
Albomlar:
1968: Ajda Pekkan
1972: Ajda Pekkan Vol. III
1975: Ajda
1977: Süperstar
1978: Pour Lui
1979: Süperstar II
1981: Sen Mutlu Ol
1982: Sevdim Seni
1983: Süperstar III
1987: Süperstar IV
1989: Unutulmayanlar
1990: Ajda 1990
1991: Seni Seçtim
1992: Hoşgör Sen
1993: Ajda 93
2000: Diva
2006: Cool Kadın
2008: Aynen Öyle
Filmoqrafiya:
1963 - Şıpsevdi
1963 - Kendini Arayan Adam
1963 - Adanalı Tayfur
1963 - Şaşkın Baba
1964 - Çanakkale Aslanları
1964 - Avare
1964 - Sokakların Kanunu
1965 - Artık Düşman Değiliz
1965 - Yabancı Olduk Şimdi
1966 - Ümit Sokağı
1966 - Dağda Silah Konuşur
1967 - Harun Reşid'in Gözdesi
1968 - Kalbimdeki Yabancı
2002 - Şöhret Sandalı
