BAKI,TurkicWorld,Yusif Şərifzadə
Neft qiymətləri ABŞ–İran razılaşmasının cümə günü rəsmi imzalanacağı gözləntisi fonunda kəskin şəkildə ucuzlaşıb.
TurkicWorld xəbər verir ki, beynəlxalq bazarlarda neft 4 faizədək dəyər itirib və son üç ayın ən aşağı səviyyəsinə düşüb.
Məlumata görə, Brent markalı neftin fyuçersləri 3,29 dollar və ya 4 faiz azalaraq bir barel üçün 79,88 dollar təşkil edib.
ABŞ-ın West Texas Intermediate (WTI) markalı nefti isə 3,82 dollar və ya 4,7 faiz ucuzlaşaraq 76,93 dollar səviyyəsinə enib.
Reuters-in məlumatına əsasən, münaqişə başlamazdan əvvəl – 28 fevraldan öncə – hər iki əsas göstərici 65–70 dollar aralığında ticarət olunurdu.
Analitiklər qiymətlərin enməsini bazarlarda geosiyasi risklərin azalması və təklif sabitliyinə dair gözləntilərlə izah edirlər.
