Bakı. TurkicWorld:
Atəşkəsin imzalanması Rəfaha hərbi müdaxilə üçün əngəl deyil.
TurkicWorld AzerVoice-ə istinadən xəbər verir ki, bu barədə İsrailin baş naziri Benyamin Netanyahu açıqlamasında deyib.
O, əsir mübadiləsi və atəşkəs razılaşmasının əldə edilib-edilməməsindən asılı olmayaraq, İsrailin Qəzza zolağının cənubundakı Rəfah şəhərində HƏMAS-a qarşı əməliyyat keçirəcəyini bildirib.
Netanyahu, iki tərəf arasında razılaşmanın yaxın olduğunu və icraya mane olan bəzi problemlər tez bir zamanda həll olunarsa, bir neçə gün ərzində razılığın əldə oluna biləcəyini qeyd edib.
Qeyd edək ki, Qəzzanın Səhiyyə Nazirliyi bildirir ki, Qəzzada 34 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.
Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.
UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.
Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.
Hafiz Rufizoğlu
