Bakı. TurkicWorld:
Türkiyə və Pakistan İslam dünyasının səsini dünyaya çatdırmaq üçün birgə fəaliyyətlərini davam etdirəcəklər.
TurkicWorld xəbər verir ki, o, bu barədə Pakistanın baş nazirinin müavini və xarici işlər naziri Məhəmməd İshaq Dar ilə birgə mətbuat konfransında çıxışı zamanı bildirib.
“Əməkdaşlığımız həm də regional sabitliyi və təhlükəsizliyi dəstəkləyir. Türkiyə və Pakistanın birgə səyləri çox kritik coğrafiyalarda sülhün, əmin-amanlığın və rifahın təmin olunmasına böyük töhfə verəcək", - deyə o qeyd edib.
Nazir Fidan onu da vurğulayıb ki, Türkiyə və Pakistan Qəzzada cinayətlərə qarşı ortaq mövqedədir.
"Biz diplomatiyanın bütün vasitələrindən istifadə edərək əlimizdən gələni etməyə çalışacağıq. Biz həmişə demişik ki, İsrailin siyasi və hərbi dəstəyi olmasaydı, bu müharibəni davam etdirmək mümkün olmayacaqdı", - deyə o əlavə edib.
Qeyd edək ki, Qəzzanın Səhiyyə Nazirliyi bildirir ki, Qəzzada 35 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.
