Bakı, TurkicWorld
İsrailin hücumlarını davam etdirdiyi Qəzzada can itkisi 40 min 878-ə yüksəlib.
TurkicWorld ArabAZ-a istinadən xəbər verir ki, bu barədə Fələstin Səhiyyə Nazirliyi açıqlama verib.
İsrail ordusunun son 24 saat ərzində Qəzza zolağının müxtəlif bölgələrində 2 hücum həyata keçirdiyi və bu hücumlarda daha 17 fələstinlinin həyatını itirdiyi, 56 fələstinlinin isə yaralandığı bildirilib.
İsrailin 7 oktyabrdan bəri Qəzza zolağına təşkil etdiyi hücumlarda ölənlərin sayı 40 min 878, yaralıların sayı isə 94 min 454-ə yüksəlib.
Bəyanatda dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə rəsmilərinin cəsədlərə çata bilmədiyi də təkrarlanıb.
Hafiz Rufizoğlu
