BAKI, TurkicWorld, Abdulvahhab Ələskərov
Türkiyənin Qəzza zolağındakı böhranın həlli ilə bağlı mövqeyi dəyişməz olaraq qalır.
TurkicWorld-un məlumatına görə, bu barədə Türkiyə prezidenti Rəcəb Tayyib Ərdoğan yerli universitetlərin tələbələri ilə görüşdə deyib.
"Biz lazımi addımları atırıq və yolumuzu qətiyyətlə davam etdirəcəyik; [Qəzzada həll məsələsində] mövqeyimizdən heç bir geri çəkilmə olmayacaq. Geri çəkilsək, nə Allah, nə də Qəzza qarşısında cavab verə bilməyəcəyik", - deyə o bildirib.
Türkiyə hakimiyyəti əvvəllər dəfələrlə Fələstin probleminin iki dövlətli həllinə ehtiyac olduğunu bildirib.
