...

Türkiyənin İzmir limanı 3 milyona yaxın yük qəbul edib

İqtisadiyyat Digər xəbərlər 29 İyun 2022 15:49
TurkicWorld Daspina Hasanova
Türkiyənin İzmir limanı 3 milyona yaxın yük qəbul edib

2022-ci ilin yanvar-may aylarında Türkiyənin İzmir limanı 3 milyon 117 min 944 ton yük qəbul edib.

Bu barədə TurkicWorld-a Türkiyənin Nəqliyyat və İnfrastruktur Nazirliyindən məlumat verilib.

Nazirlikdən verilən məlumata görə, İzmir limanından Türkiyə bayrağı altında üzən gəmilərlə 140 min 15 ton, digər ölkələrin bayraqları altında üzən gəmilərlə isə 2 milyon 977 min 929 min ton yük daşınıb.

“2022-ci ilin yanvar-may aylarında Türkiyənin İzmir limanı 6 ton tranzit yük aşırılıb”, - nazirlikdən bildirilib.

Qeyd edək ki, bu ilin may ayında Türkiyə limanları 33 milyon 431 min 149 ton yük qəbul edib. Bu yüklərin 2 milyon 355 min 407 tonu Türkiyə bayrağı altında üzən gəmilərlə, 31 milyon 75 min 741 tonu isə əcnəbi bayraqlı gəmilərlə qəbul edilib.

May ayında Türkiyə limanlarından 7 milyon 509 min 987 ton tranzit yük aşırılıb.

Bu ilin yanvar-may aylarında Türkiyə limanları 164 milyon 292 min 61 ton yük qəbul edib. Bu yüklərin 11 milyon 414 min 29 tonu Türkiyə bayrağı altında üzən gəmilərlə, 152 milyon 878 min 32 tonu isə əcnəbi bayraqlı gəmilərlə qəbul edilib.

Yanvar-may ayında Türkiyə limanlarından 35 milyon 282 min 27 ton tranzit yük aşırılıb.

Məqalədə:
Xəbərlər

Xəbər lenti