BAKI,TurkicWorld
Tehranın İmam Xomeyni Beynəlxalq Hava Limanından xarici istiqamətlər üzrə uçuşların təxminən 75 faizi hələ də həyata keçirilir. İranın yarırəsmi “Fars” xəbər agentliyinin məlumatına görə, hava limanında bir sıra beynəlxalq reyslər fəaliyyətini davam etdirir.
TurkicWorld xəbər verir ki, bazar günü uçuş cədvəlinin araşdırılması nəticəsində İran aviaşirkətlərinin 19 xarici istiqamətdən 11-nə ən azı 24 gəliş və gediş reysi həyata keçirdiyi müəyyənləşib.
Məlumata görə, İranın Türkiyə, Çin, Ermənistan, Rusiya, Əfqanıstan, Pakistan, Tailand, Vyetnam, Özbəkistan, Malayziya, Tunis, Qırğızıstan, Qazaxıstan və Makaoya uçuşları davam edir.
Bununla yanaşı, İraq, Gürcüstan, Birləşmiş Ərəb Əmirlikləri, Azərbaycan və Oman hava limanlarında İran aviaşirkətlərinin reysləri ləğv edilib.
