BAKI,TurkicWorld,Yusif Şərifzadə
İranın “Diplo Ev” adlı beyin mərkəzinin direktoru Həmid Rza Qulamzadə bildirib ki, Tehran şəhərində mövcud təhlükəsizlik vəziyyəti səbəbindən danışıqlar aparan nümayəndələrlə ölkənin ali rəhbərliyi arasında əlaqə prosesi vaxt tələb edir.
TurkicWorld xəbər verir ki, ekspertin sözlərinə görə, hazırda ali dini rəhbər və ya Milli Təhlükəsizlik Şurası tərəfindən razılaşdırılmış yekun sənədin olub-olmaması ilə bağlı dəqiq təsdiq yoxdur.
O həmçinin qeyd edib ki, İsrailin Livanın cənubuna yönələn hərəkətləri sülh danışıqlarına mənfi təsir göstərə bilər və bölgədə gərginliyi artırmaq riski daşıyır.
Qulamzadə əlavə edib ki, İsrail tərəfinin Livanın cənubunda yenidən hücum ehtimalı istisna edilmir və buna görə də bölgədə vəziyyət həssas olaraq qalır.
O vurğulayıb ki, hazırkı vəziyyətdə tərəflərin sülh razılaşmasına tam sadiq qalması ilə bağlı iddialar ehtiyatla qiymətləndirilməlidir və prosesin gedişi diqqətlə izlənməlidir.
