BAKI,TurkicWorld,Yusif Şərifzadə
Donald Trampın “İbrahim Razılaşmaları”nın dərhal imzalanması ilə bağlı israrı İranla aparılan danışıqlara əlavə ölçü gətirmə cəhdi kimi qiymətləndirilir.
TurkicWorld xəbər verir ki, “Ərəb Perspektivləri İnstitutu”nun təsisçi direktoru Alkinani açıqlamasında deyib ki, Hörmüz boğazı məsələsi İranın nüvə proqramı və rejim dəyişikliyi müzakirələrindən diqqəti yayındırdığı kimi, Trampın yanaşması da ABŞ administrasiyasına ictimaiyyət qarşısında “simvolik uğur” kimi təqdim edə biləcəyi əlavə gündəm yaradır.
Alkinani bildirib ki, bu yanaşma İsrail tərəfinə də əlavə arqument verir, çünki ölkə daxilində razılaşmaya qarşı çıxan mövqelər mövcuddur. O vurğulayıb ki, ABŞ administrasiyası paralel olaraq həm İranla, həm də İsraillə danışıqlar aparır və iki tərəf arasında balans saxlamağa çalışır.
