BAKI,TurkicWorld Yusif Şərifzadə
Qəzza zolağında davam edən hərbi gərginlik fonunda HƏMAS yüksəkrütbəli hərbi fiquru ilə bağlı açıqlama yayıb.
TurkicWorld xəbər verir ki, HƏMAS yaydığı açıqlamada Qəssam Briqadalarının rəhbəri İzzəddin əl-Həddadın həyatını itirdiyini bildirib.
Məlumata görə, qruplaşma hadisəni “xəyanətkar və qorxaq sui-qəsd” kimi qiymətləndirib və bunu kəskin şəkildə pisləyib.
HƏMAS-ın açıqlamasında qeyd olunub ki, İzzəddin əl-Həddad cümə axşamı axşam saatlarında həyat yoldaşı, qızı və digər fələstinli mülki şəxslərlə birlikdə həlak olub.
Qruplaşma əlavə edib ki, hadisə İsrailin Qəzza ilə bağlı atəşkəs razılaşmasını pozmasının və bölgədə mülki əhaliyə qarşı davam edən hücumların növbəti nümunəsi hesab olunur.
Hadisə ilə bağlı tərəflər arasında qarşılıqlı açıqlamalar davam edir.
