BAKI, TurkicWorld, Abdulvahhab Ələskərov
Futbol üzrə Dünya Çempionatı – FIFA 2026-nın püşkatma mərasimində iştirak edən ABŞ Prezidenti Donald Tramp Amerika futbolunun adını dəyişdirmək çağırışı ilə çıxış edib.
TurkicWorld bu barədə xarici KİV-ə istinadən xəbər verir.
“Məgər sokker (ABŞ-də futbol “sokker” adlanır – red) əslində elə futbol adlandırılmalı deyilmi? Bu elə əsl futboldur, buna heç bir şübhə yoxdur. Biz gərək Amerika futboluna təzə at axtarıb-tapaq. Çünki bu ad, bir qədər düşünsəz, mənasızdır”, - deyə Tramp bildirib.
Qeyd edək ki, dünyanın ən mötəbər idman yarışına - FIFA 2026-ya 3 ölkə - ABŞ, Meksika və Kanada ev sahibliyi edəcək. Çempionat iyunun 11-də start götürəcək.
