Bakı. TurkicWorld:
Türkmənistan Prezidenti Sərdar Berdıməhəmmədov 14-15 iyul tarixlərində Özbəkistan Prezidenti Şavkat Mirziyoyevin dəvəti ilə Özbəkistanda dövlət səfərində olacaq.
TurkicWorld "UzDaily" qəzetinə istinadən xəbər verir ki, iki ölkə lideri arasında baş tutacaq danışıqların gündəliyinə Özbəkistan və Türkmənistan arasında dostluq, mehriban qonşuluq və strateji tərəfdaşlıq münasibətlərinin daha da inkişaf etdirilməsi və möhkəmləndirilməsi, iki ölkə arasında çoxşaxəli əməkdaşlığın genişləndirilməsi məsələləri daxildir.
Dövlət başçılarının beynəlxalq məsələlər ətrafında fikir mübadiləsi aparacağı, regional əməkdaşlığın aktual aspektlərini müzakirə edəcəkləri nəzərdə tutulur.
Sammitin yekunu olaraq Birgə Bəyanatın qəbul edilməsi və ikitərəfli sənədlər paketinin imzalanması planlaşdırılır.
