Bakı TurkicWorld
Qazaxıstan dövlət başçısı Kasım-Jomart Tokayev FİFA prezidenti Canni İnfantinonu Akorda sarayında qəbul edib.
TurkicWorld-un məlumatına görə, tərəflər Qazaxıstanda futbolun potensialının artırılması və gənclər idmanının inkişafı məsələlərini müzakirə ediblər.
Qasım-Jomart Tokayev Canni İnfantinonu bu yaxınlarda yenidən FİFA prezidenti vəzifəsinə seçilməsi münasibəti ilə təbrik edib və ona bütün dünyada, o cümlədən Qazaxıstanda futbolun inkişafına verdiyi əvəzsiz töhfəyə görə təşəkkür edib.
Canni İnfantino FİFA-nın uğurlu beynəlxalq təcrübəsini bölüşməyə və Qazaxıstanda futbolun inkişafına kömək etməyə hazır olduğunu da bildirib:
“Bilirəm ki, siz də bu gözəl ölkədə hamı kimi futbolu sevirsiniz. Düşünürəm ki, biz birlikdə böyük işlər görə bilərik. Qazaxıstan təkcə regional mənzərədə deyil, qlobal mənzərədə çox mühüm ölkəyə çevrilib. FIFA üçün bu, böyük tərəfdaşdır. Biz birlikdə işləməliyik, çünki futbol vasitəsilə çoxlu imkanlar var ”, - Gianni İnfantino bildirib.
Mehriban Xəlilli
President of #Kazakhstan Kassym Jomart #Tokayev met with President of the International Football Association (#FIFA) Gianni #Infantino@TokayevKZ @FIFAcom pic.twitter.com/ROEfaZ5s5F
— Turkic World (@TurkicWorld_Az) May 3, 2023
