Bakı, TurkicWorld:
Sussex hersoqu Harrinin həyat yoldaşı Meqan Markl Kral III Çarlzın tacqoyma mərasimində iştirak etməyəcək.
TurkicWorld xəbər verir ki, bu barədə Buckingam sarayından məlumat verilib.
Məlumata əsasən, Şahzadə Harrinin gələn ay keçiriləcək tacqoyma mərasimində iştirak edəcəyi, lakin hersoginyanın uşaqları Şahzadə Arçi və Şahzadə Lilibetlə birlikdə ABŞ-da qalacağı bildirilir.
Məlumat üçün bildirək ki, Şahzadə Harrinin yanvar ayında “Spare” adlı kitabı satışa çıxarılıb və o bu kitabda ailə üzvlərinə qarşı bir sıra ittihamlar irəli sürüb, kral ailəsinin vəzifəcə ondan yüksək üzvləri ilə arasında olan şəxsi qarşıdurmalar haqqında məlumat verib və ailədən uzaqlaşması barədə detalları açıqlayıb.
Ləman Əsədli
Twitter: Lamanasadli01
