BAKI,TurkicWorld,Yusif Şərifzadə
İran ordusunun yüksək rütbəli rəsmisi ölkənin ABŞ-nin hərbi hücumlarına və texnoloji üstünlüyünə baxmayaraq müqavimət göstərdiyini bildirib. O, müharibəni iradə və dözümlülük mübarizəsi kimi qiymətləndirib.
TurkicWorld xəbər verir ki, İran Ordusunun Koordinasiya Məsələləri üzrə komandan müavini Həbibullah Səyyari ölkəsinin “hər cür texnologiya ilə silahlanmış düşmən qarşısında möhkəm dayandığı” üçün bununla fəxr etməli olduğunu deyib.
İran mediasının yaydığı açıqlamaya görə, Səyyari müharibənin tərəflərin iradəsi və dözümlülüyünün sınağı olduğunu bildirib.
O qeyd edib ki, düşmənin müharibədə əvvəlcədən müəyyənləşdirdiyi məqsədlərə nail ola bilməməsi onun məğlubiyyətə uğradığını göstərir.
Səyyari İranın ABŞ ilə qarşıdurmada hərbi və texnoloji fərqə baxmayaraq müqavimət göstərdiyini vurğulayıb.
