BAKI,TurkicWorld
ABŞ Dövlət Departamenti Səudiyyə Ərəbistanına ümumi dəyəri təxminən 5,75 milyard dollar olan hərbi texnikanın mümkün satışını təsdiqləyib.
Bu barədə Dövlət Departamentinin yaydığı məlumatda bildirilib.
Razılaşma çərçivəsində Ər-Riyada 10 minə yaxın JDAM dəqiq idarə olunan sursat, 5 min BLU-111 və 5 min BLU-117 hava bombası, həmçinin 60 ədəd AGT-1500 tank mühərrikinin satılması nəzərdə tutulur.
Məlumata görə, bombalar və digər sistemlərin dəyəri 5 milyard, tank mühərriklərinin isə 750 milyon dollar qiymətləndirilir.
ABŞ administrasiyası artıq Konqresi məlumatlandırıb. Qanunverici orqanın razılaşmanı nəzərdən keçirmək üçün 30 gün vaxtı var.
