BAKI,TurkicWorld,Yusif Şərifzadə
Yəməndəki husilər Qırmızı dənizdə Səudiyyə Ərəbistanına məxsus hərbi gəmiyə və onu müşayiət edən dörd gəmiyə raketlərlə hücum etdiklərini iddia ediblər.
TurkicWorld xəbər verir ki, husilərin hərbi sözçüsü Yəhya Səri bu barədə məlumatı yayıb.
Yəhya Səri bildirib ki, hücumun hədəfi Səudiyyə Ərəbistanına məxsus hərbi gəmi və onu müşayiət edən dörd gəmi olub.
Husilərin iddiasına görə, gəmilər Qırmızı dənizdə raket zərbələri ilə hədəfə alınıb.
Hadisə ilə bağlı Səudiyyə Ərəbistanı tərəfindən hələlik rəsmi açıqlama verilməyib.
Buna görə də hücumun baş verdiyi və gəmilərə hər hansı zərərin dəydiyi barədə məlumatlar müstəqil şəkildə təsdiqlənməyib.
Qırmızı dənizdə gəmiçilik təhlükəsizliyi ilə bağlı vəziyyət Yəməndəki münaqişə fonunda uzun müddətdir diqqət mərkəzində qalır.
