BAKI,TurkicWorld,Yusif Şərifzadə
HƏMAS-ın yeni seçilmiş rəhbəri Xəlil əl-Həyyə vəzifəyə təyin olunmasından sonra ilk ictimai bəyanatla çıxış edib.
TurkicWorld xəbər verir ki, Xəlil əl-Həyyə Qəzza zolağının sakinlərinə müraciət edərək, onların üzləşdiyi əzab və çətinliklərin aradan qaldırılması üçün bütün istiqamətlər üzrə fəaliyyətlərini davam etdirəcəklərini bildirib.
Yeni lider çıxışında Qəzza əhalisinə səslənərək deyib ki, təşkilat insanların üzləşdiyi ağrı və itkilərin aradan qaldırılması istiqamətində fəaliyyətini davam etdirəcək.
Əl-Həyyə həmçinin işğal altında olduğunu ifadə etdiyi İordan çayının qərb sahilinin müdafiəsinin məsuliyyət olduğunu vurğulayıb.
Bu, Xəlil əl-Həyyənin HƏMAS rəhbərliyinə seçilməsindən sonra etdiyi ilk rəsmi çıxış hesab olunur. O, hərəkatın gələcək fəaliyyət istiqamətlərinə dair ümumi mesajlar verib.
Bəyanatda təşkilatın gələcək siyasi və hərbi addımlarına dair əlavə təfərrüatlar açıqlanmayıb.
