BAKI, TurkicWorld, Nailə Babazadə
İranın xarici işlər naziri Abbas Əraqçi Avropa İttifaqının xarici siyasət üzrə ali nümayəndəsi Kaja Kallasla cümə günü telefon danışığı aparıb. Danışıqlarda İran–Aİ münasibətləri, regional və beynəlxalq məsələlər, xüsusilə də İsrail rejiminin bölgədəki fəaliyyətləri müzakirə olunub.
TurkicWorld xəbər verir ki, Əraqçi İsrail rejiminin işğal altındakı Fələstin ərazilərində və Livanda davam edən hərbi hücumlarını beynəlxalq hüququn açıq şəkildə pozulması kimi qiymətləndirib. O bildirib ki, bu cinayətkar fəaliyyətlərin miqyası və davamlılığı beynəlxalq ictimaiyyətin rejimin addımlarına qarşı təsirli tədbirlər görmək məsuliyyətini daha da artırır.
Telefon danışığında həmçinin İranın nüvə məsələsi də müzakirə edilib. Əraqçi Tehranın mövqelərini qarşı tərəfə təqdim edib.
Tərəflər İran və Avropa arasında regional və qlobal proseslərlə bağlı fikir mübadiləsi aparmaq üçün dialoqun davam etdirilməsinin vacibliyi barədə razılığa gəliblər.
