BAKI, TurkicWorld
HƏMAS bəyan edib ki, Qəzzada atəşkəs razılaşmasının 2-ci mərhələsi yeni təkliflər yerinə həyata keçirilməlidir.
TurkicWorld AzerVoice-ə istinadən xəbər verir ki, HƏMAS yanvarın 19-da əldə olunan atəşkəs razılaşmasının ikinci mərhələsinə keçməyin vacibliyini bəyan edib və yeni təkliflərə ehtiyac olmadığını bildirib.
HƏMAS sözçüsü Hazem Qassem ABŞ-ın Yaxın Şərq üzrə xüsusi nümayəndəsi Stiv Vitkoffun yeni atəşkəs təklifinə müsbət cavab verildiyini, lakin bu cavabın "qəbuledilməz" adlandırıldığını bildirib. O, vurğulayıb ki, yeni razılaşmalar yaratmaq əvəzinə əvvəlcədən razılaşdırılmış şərtlərin icrası təmin edilməlidir.
İsrailin KAN dövlət televiziyası martın 14-də Vitkoffun Dohada davam edən danışıqlarda yeni təklif irəli sürdüyünü açıqlayıb. Bu təklif Ramazan və Pasxa bayramlarını əhatə edən 50 günlük atəşkəs və məhbus mübadiləsini nəzərdə tutur.
Qeyd edək ki, HƏMAS İsrailin sağ qalan vətəndaşı Edan Alexanderin və bir neçə ABŞ-İsrail vətəndaşının qalıqlarının təhvil verilməsi təklifinə müsbət yanaşsa da, Vitkoff bu cavabı qəbuledilməz hesab edib.
