Bakı, TurkicWorld
ABŞ-nin Kaliforniya ştatında baş verən güclü meşə yanğınlarında ölənlərin sayı 5 nəfərə çatıb, 100 mindən çox sakin yaşadığı yerləri tərk etmək məcburiyyətində qalıb.
TurkicWorld xəbər verir ki, bu barədə BBC məlumat yayıb.
Məlumata görə, hal-hazırda Los-Ancelesdə və qonşuluqda olan Ventura rayonunda azı 6 yanğının baş verib. Vudley rayonundakı yanğının isə qismən lokallaşdırıldığı qeyd olunur.
Yanğın zamanı bır sira Hollivud ulduzlarının malikanələri yanaraq kül olub. Onlar arasında Leyton Mester, Adam Brodi, Paris Hilton, Billi Kristal kimi məşhur adlar yer alır.
