Bakı, TurkicWorld
Bəşər Əsəd rejiminin devrilməsindən sonra İŞİD-in təhdidinin yenidən artmaması üçün ABŞ qoşunlarının Suriyada qalması vacibdir.
TurkicWorld xəbər verir ki , ABŞ-ın müdafiə naziri Lloyd Ostin, Suriyada hələ də böyük təhlükə olduğunu vurğulayaraq, xüsusilə on minlərlə keçmiş İŞİD üzvü və onların ailə üzvlərinin saxlandığı həbs düşərgələrində təhlükəsizliyin təmin olunması üçün ABŞ hərbçilərinə ehtiyac olduğunu qeyd edib.
Ostin, Suriyada təxminən 8-10 min İŞİD üzvünün olduğunu, bunlardan ən azı 2000-nin çox təhlükəli hesab edildiyini bildirib. "Suriya müdafiəsiz qalsa, İŞİD döyüşçüləri yenidən meydana çıxacaq," - deyə Ostin qeyd edib.
Qeyd edək ki, ABŞ-ın Suriyadakı hərbi varlığı, 2015-ci ildə İŞİD-in ölkənin böyük bir hissəsini işğal etməsindən sonra güclənib. Hal-hazırda, ABŞ Suriyada təxminən 2000 əsgər saxlayır, bu da əvvəlki rəqəmlərdən (900 əsgər) əhəmiyyətli bir artım olduğunu göstərir. ABŞ qoşunlarının Suriyadakı varlığı, Bəşər Əsədin rejiminin devrilməsi ilə əlaqədar olaraq yenidən müzakirə olunmağa başlanıb.
Onu da qeyd edək ki, Donald Trampın prezident olduğu dövrdə, 2018-ci ildə Suriyadan bütün qoşunları çəkmək cəhdi olmuşdu, lakin bu, müdafiə naziri Cim Mettisin istefasına səbəb olmuşdu.
