İspaniya XİN Qəzzada daimi atəşkəs çağırışı edib

İspaniya XİN Qəzzada daimi atəşkəs çağırışı edib

Bakı. TurkicWorld:

İspaniyanın xarici işlər naziri Joss Manuel Albarez Qəzzada daimi atəşkəs çağırışı edib və İsrailin Rəfahı işğal etməsinin nəticələri barədə xəbərdarlıq edib.

TurkicWorld AzerVoice-a istinadən xəbər verir ki, o, bu barədə Aİ xarici işlər nazirlərinin görüşündən əvvəl açıqlamasında bildirib.

"Yaxın Şərqdə artan zorakılığa son qoymaq üçün müstəqil Fələstin dövlətinin tanınması lazımdır. Münaqişənin Livana keçməsi ehtimalı bizi narahat edir, çünki bu zaman münaqişənin miqyası dəyişəcək", - deyə o vurğulayıb.

Qeyd edək ki, Qəzzanın Səhiyyə Nazirliyi bildirir ki, Qəzzada 34 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.

Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.

İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.

İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.

Bu arada Qəzzada döyüşlər davam edir. İsrailin Qəzzanın cənubunda BMT-nin fələstinli qaçqınlarla işləyən agentliyi olan UNRWA-nın qida paylama məntəqəsinə endirdiyi zərbə nəticəsində agentliyin bir əməkdaşı həlak olub, 22 nəfər yaralanıb.

UNRWA-nın məlumatına görə, son beş ayda gedən döyüşlər zamanı agentliyin həlak olan işçilərinin sayı 165-ə çatdırıb.

Qəzzanın səhiyyə orqanları UNRWA anbarının həyətinə endirilən zərbə nəticəsində ümumilikdə 5 nəfərin öldüyünü bildirib.