ABŞ terror hücumları təhlükəsi altındadır - Donald Tramp

ABŞ terror hücumları təhlükəsi altındadır - Donald Tramp

Bakı. TurkicWorld:

Amerika Birləşmiş Ştatlarını çox da uzaq olmayan gələcəkdə terror aktları gözləyir. Bu, ölkəyə çoxlu qeyri-qanuni miqrantın sızması ilə bağlıdır.

TurkicWorld xəbər verir ki, bunu Respublikaçılar Partiyasından prezidentliyə namizədliyini irəli sürmək istəyən ABŞ-ın keçmiş prezidenti Donald Tramp deyib.

"Ölkəmizə sızan adamlar var ki, burada olmamalıdırlar. Ölkəmizə böyük problemlər yarada biləcək insanlar soxulur. Çox da uzaq olmayan gələcəkdə terror aktlarının olacağı ehtimalı 100 faizdir", o, tərəfdarlarına deyib.

Tramp əmin edib ki, noyabrda keçiriləcək seçkidə qalib gəlsə, ABŞ-ın hazırkı prezidenti Co Bayden tərəfindən tətbiq edilən “açıq sərhəd siyasəti”nə son qoyacaq və Amerika tarixində qeyri-qanuni miqrantların ən böyük deportasiyasına başlayacaq.