BAKI, TurkicWorld, Nailə Babazadə
İran Xarici İşlər Naziri Abbas Əraqçi və Hakan Fidan ikitərəfli münasibətləri və regional inkişafları müzakirə ediblər. Telefon danışığı zamanı tərəflər qarşılıqlı maraq doğuran bütün sahələrdə əməkdaşlığın gücləndirilməsinin vacibliyini vurğulayıblar.
TurkicWorld xəbər verir ki, Əraqçi Pakistan və Əfqanıstan arasında gərginliyin azaldılması üçün aparılan səyləri yüksək qiymətləndirib və İslam Respublikası İranın bu prosesə dəstək verməyə hazır olduğunu bildirib. O, həmçinin hərbi təyyarə qəzasında həyatını itirən türk vətəndaşlarının ailələrinə başsağlığı verib.
Fidan isə bölgədə sülh və sabitliyin qarşılıqlı asılı olduğunu qeyd edərək, bütün ölkələrin bu öhdəliyə sadiq qalmasının vacibliyini vurğulayıb.
