Paris. TurkicWorld
Azərbaycan idmançılarının Yay Olimpiya Oyunlarındakı medallarının sayı 50-yə çatıb.
TurkicWorld İdman.biz-ə istinadən xəbər verir ki, Paris-2024-də finala adlayan Hidayət Heydərovun təmin etdiyi mükafat yubiley xarakteri daşıyıb.
İlk dəfə Atlanta-1996-da iştirak edən millimiz arxada qalan yeddi Olimpiadada 7 qızıl, 14 gümüş və 28 bürünc qazanıb. Parisdəki uğur bu mükafatların ümumi sayını 50-yə yüksəlib.
Hidayət cüdo yığmamızın aktivinə 6-cı medalı gətirib. Bunadək tatamı ustalarımız 1 qızıl, 2 gümüş və 2 bürünc əldə edib. 6-cı mükafatın əyarı Heydərovdan asılı olacaq.
Qeyd edək ki, 73 kq çəkidə çıxış edən cüdoçumuz final qarşılaşmasını bu gün keçirəcək.
xxx
15:35
Paris 2024 Hidayət Heydərov yarımfinala vəsiqə qazanıb.
TurkicWorld xəbər verir ki, Azərbaycan cüdoçusu Hidayət Heydərov Fransanın paytaxtı Parisdə keçirilən Yay Olimpiya Oyunlarında 1/4 final görüşünə çıxıb.
73 kq çəki dərəcəsində çıxış edən idmançımiz kanadalı Artur Margelidon ilə qarşılaşıb.
Kanadalı idmançıya qalib gələn Hidayət Heydərov yarımfinala vəsiqə qazanıb.
XXX
14:00
Azərbaycan cüdoçusu Hidayət Heydərov Fransanın paytaxtı Parisdə keçirilən Yay Olimpiya Oyunlarında ilk görüşündə qələbə qazanıb.
TurkicWorld xəbər verir ki, 73 kq çəki dərəcəsində yarışan idmançı 1/8 final mərhələsində İsrail təmsilçisi Tohar Butbulla üz-üzə gəlib.
Qızıl xal bölümündə rəqibini cərimə xalları hesabına məğlub edən Heydərov 1/4 finala yüksəlib.
Qeyd edək ki, Paris-2024 avqustun 11-də başa çatacaq.
