Bakı, TurkicWorld
Bəhreynin rəsmi media resurslarının yaydığı təcili məlumata görə, ölkənin müxtəlif bölgələrində güclü partlayış səsləri eşidilib. Regionda gərginliyin artması fonunda Bəhreyn krallığı ən yüksək təhlükəsizlik səviyyəsinə keçib.
TurkicWorld xəbər verir ki, Bəhreyn Daxili İşlər Nazirliyi rəsmi bəyanat yayaraq aşağıdakı tədbirlərin görüldüyünü bildirib. Belə ki, ölkə daxilində hava həyəcanı siqnalları (sirenlər) işə salınıb.
Bütün vətəndaşlardan və ölkədə yaşayan xaricilərdən dərhal ən yaxın təhlükəsiz yerlərə (sığınacaqlara) yollanmaları tələb olunub.
Nazirlik vəziyyətin nəzarətdə olduğunu və təhlükəsizlik qüvvələrinin gücləndirilmiş iş rejiminə keçdiyini vurğulayıb. Partlayışların dəqiq səbəbi və hədəflər barədə rəsmi araşdırma davam edir.
