BAKI, TurkicWorld
HƏMAS, həm İsrail, həm də ABŞ vətəndaşlığına malik olan girov İdan Aleksandrı azad edib.
TurkicWorld xəbər verir ki, bu barədə məlumat “İzzəddin əl-Qəssam Briqadaları”nın Telegram kanalında yayımlanan bəyanatda yer alıb.
“Bir qədər əvvəl ‘İzzəddin əl-Qəssam Briqadaları’, İsrail və ABŞ vətəndaşlığına malik girov İdan Aleksandrı azad edib” - deyə, bəyanatda qeyd olunub.
Bundan əvvəl, İdan Aleksandrın Beynəlxalq Qırmızı Xaç Komitəsinin əməkdaşlarına təhvil verildiyi bildirilmişdi.
