Bakı. TurkicWorld:
Mayın 12-dən etibarən ABŞ hakimiyyəti ölkəyə gələn əcnəbilər, habelə federal işçilər və podratçılar üçün COVID-19-a qarşı məcburi peyvənd tələbini ləğv edəcək.
TurkicWorld-un məlumatına görə, bu barədə Ağ Evin açıqlamasında bildirilib.
"Bu gün biz elan edirik ki, administrasiya mayın 11-də günün sonuna qədər federal işçilər, federal podratçılar və beynəlxalq hava şərnişinlər üçün COVID-19 peyvəndi tələblərini ləğv edəcək. Həmin gündə COVID-19 ilə əlaqədar ictimai səhiyyə sahəsindəki fövqəladə vəziyyət başa çatacaq", - deyə sənəddə qeyd olunub.