BAKI,TurkicWorld,Yusif Şərifzadə
İran ABŞ və İsrail ilə müharibə zamanı zərər görmüş enerji infrastrukturunun bərpası işləri davam etdiyi bir vaxtda sentyabrın sonuna qədər 95 milyon kubmetr təbii qaz hasilatını yenidən sistemə qaytarmağı planlaşdırır.
TurkicWorld xəbər verir ki, İranın neft naziri Möhsün Paknejad ölkənin qaz istehsal gücünün bir hissəsinin yaxın həftələrdə bərpa ediləcəyini bildirib.
İran Neft Nazirliyinin açıqlamasına görə, bərpa işləri nəticəsində gündəlik 95 milyon kubmetr qaz hasilatının yenidən istehsal dövriyyəsinə qaytarılması nəzərdə tutulur.
Bu açıqlama İran hökumətinin yüksək vəzifəli nümayəndəsinin iyul ayında verdiyi bəyanatdan sonra səslənib. Həmin açıqlamada Tehranın yaxın aylarda gündəlik təxminən 100 milyon kubmetr qaz hasilatı gücünü bərpa etməyə çalışdığı bildirilmişdi.
Məlumata görə, fevralın sonlarında başlayan qarşıdurmadan sonra əsas enerji obyektlərinə edilən hücumlar nəticəsində İranın gündəlik təxminən 230 milyon kubmetr təbii qaz hasilatı imkanları sıradan çıxıb.
İran hökuməti zədələnmiş enerji obyektlərinin bərpasını ölkənin enerji təhlükəsizliyi baxımından əsas prioritetlərdən biri hesab edir.
