BAKI,TurkicWorld,Yusif Şərifzadə
Yeni Zelandiyanın Şimal adası yaxınlığında 5,8 bal gücündə zəlzələ qeydə alınıb.
TurkicWorld xəbər verir ki, Avropa-Aralıq dənizi Seysmoloji Mərkəzinin (EMSC) yaydığı məlumata görə, zəlzələ şənbə günü baş verib.
EMSC-nin məlumatına əsasən, yeraltı təkanın ocağı yer səthindən təxminən 10 kilometr dərinlikdə yerləşib.
Hələlik zəlzələ nəticəsində insan tələfatı, xəsarət alanlar və ya dağıntılar barədə rəsmi məlumat açıqlanmayıb.
Səlahiyyətli qurumlar bölgədə vəziyyəti izləyir və əlavə məlumatların dəqiqləşdirildikdən sonra ictimaiyyətə təqdim olunacağı gözlənilir.
Yeni Zelandiya Sakit okeanın "Od halqası" adlanan yüksək seysmik aktivlik zonasına daxil olduğundan ölkədə zəlzələlər tez-tez baş verir.
