BAKI,TurkicWorld,Yusif Şərifzadə
ABŞ Prezidenti Donald Tramp Suriyanın Hizbullahla mübarizə aparmaq istəyinin olduğunu bildirib və belə bir addımın “effektiv ola biləcəyini” deyib. O, Suriya Prezidenti Əhməd əş-Şəranın fəaliyyətini müsbət qiymətləndirib.
TurkicWorld xəbər verir ki, Donald Tramp jurnalistlərin Suriya ordusunun Hizbullaha qarşı hərbi əməliyyat keçirməsini dəstəkləyib-dəstəkləmədiyi ilə bağlı sualına cavab verib. ABŞ prezidenti bunun “bir konsepsiya” olduğunu bildirib.
Tramp Suriya Prezidenti Əhməd əş-Şəranın “çox yaxşı iş gördüyünü” və Suriyanı bir araya gətirdiyini deyib.
ABŞ prezidenti bildirib ki, Əş-Şəranın Hizbullahla bağlı addım atmaq istəyi var. “Onlar uzun müddətdir mübarizə aparırlar, o da uzun müddətdir Hizbullahla mübarizə aparır”, - deyə Tramp qeyd edib.
Tramp hesab edir ki, Suriyanın Hizbullaha qarşı mümkün fəaliyyəti “çox effektiv” ola bilər.
Açıqlama Livan, Suriya və regiondakı silahlı qruplaşmalarla bağlı təhlükəsizlik məsələlərinin yenidən gündəmə gəldiyi bir vaxtda səslənib.
