BAKI,TurkicWorld,Yusif Şərifzadə
İran hökumətinin yüksək səviyyəli rəsmisi Yaponiya Baş naziri ilə danışıqlar aparıb və Hörmüz boğazında təhlükəsiz dəniz hərəkətinin təmin edilməsini müzakirə edib.
TurkicWorld xəbər verir ki, İran Prezidenti Məsud Pezeşkian Yaponiya Baş naziri Sanae Takaici ilə telefon danışığı zamanı Hörmüz boğazında dəniz nəqliyyatını tam təmin etməyə hazır olduqlarını bildirib. Takaici bu danışıq zamanı boğazın yenidən açılmasını xahiş edib.
Pezeşkian IRNA xəbər agentliyinə bildirib ki, əsas problem ABŞ tərəfindən İran gəmilərinə və ticarətinə tətbiq olunan məhdudiyyətlər və maneələrdən qaynaqlanır.
“Yapon gəmilərinin maneəsiz və daha asan hərəkət edə bilməsi üçün yol təmin etməyə çalışacağıq”, – deyə Pəzəşkian əlavə edib.
