BAKI,TurkicWorld,Yusif Şərifzadə
İran və Rusiya arasında təhlükəsizlik sahəsində diplomatik təmaslar davam edir.
TurkicWorld xəbər verir ki, İran Ali Milli Təhlükəsizlik Şurası katibinin müavini Əli Baqeri təhlükəsizlik forumunda iştirak etmək məqsədilə Rusiyaya səfər edib.
İran dövlət mediasının yaydığı məlumata əsasən, Əli Baqerinin forum çərçivəsində çıxış etməsi, həmçinin yüksək vəzifəli rusiyalı siyasi və təhlükəsizlik rəsmiləri ilə görüşlər keçirməsi planlaşdırılır.
Məlumata görə, Beynəlxalq Təhlükəsizlik Forumu regional və qlobal təhlükəsizlik məsələlərinin müzakirə olunduğu Rusiyanın ən mühüm illik tədbirlərindən biri hesab olunur.
Forumun 14-cü buraxılışının çərşənbə axşamı başladığı və tədbirin dörd gün davam edəcəyi bildirilib. Tədbirdə 120 ölkədən nümayəndələrin iştirak etdiyi qeyd olunub.
Səfərin İran və ABŞ arasında davam edən gərginlik fonunda Moskva ilə Tehran arasında siyasi və hərbi əməkdaşlığın genişləndiyi bir dövrə təsadüf etdiyi bildirilir.
