BAKI,TurkicWorld Yusif Şərifzadə
ABŞ prezidenti Donald Tramp bir daha bəyan edib ki, onun əsas mövqeyi İrana nüvə silahının əldə olunmasına icazə verilməməsidir.
TurkicWorld xəbər verir ki, Tramp bildirib ki, bu məsələ ilə bağlı qərar “sonsuz müddətə uzadılmayacaq”, eyni zamanda ABŞ ordusunun “hazır vəziyyətdə olduğu”, hərbi qüvvələrin və gəmilərin tam silahlandırıldığı qeyd olunub. Prezident əlavə edib ki, qərarını “gələn həftənin əvvəlinə qədər” verə bilər.
O həmçinin deyib: “Biz onlara bir dəfə də zərbə endirməli ola bilərik”, çünki Trampın sözlərinə görə, danışıqların sürəti onu qane etmir və İranın prosesə nə dərəcədə ciddi yanaşdığına əmin deyil.
Bu açıqlamalar Vaşinqtonun Tehrana təzyiqini artırmaqla yanaşı, ABŞ daxilində də siyasi və iqtisadi gərginliyi yüksəldir. Tramp ABŞ vətəndaşlarının hiss etdiyi iqtisadi təsirlərə görə təəssüf ifadə etsə də, bu addımları “tamamilə düzgün qərar” kimi qiymətləndirib.
