Son dəqiqə

Suriya Əhməd Əl-Şaraa Yeni Suriya höküməti

Hökumət qurulmasında kvotalar tətbiq olunmayacaq - Əl- Şəraa

BAKI, TurkicWorld

Suriya Prezidenti Əhməd əl-Şara hökumətin formalaşdırılmasında kvotaların tətbiq edilmədiyini və siyasi parçalanmanın qəbul olunmadığını bəyan edib.

TurkicWorld AzerVoice-ə istinadən xəbər verir ki, Əl-Şara Dəməşqdəki Xalq Sarayında qılınan Fitr bayramı namazından sonra çıxış edərək, ölkənin yeni bir tarix yazdığını və qarşıda uzun və çətin bir yol olduğunu vurğulayıb.

"Biz iki gün əvvəl Suriya hökumətini elan etdik və kvotalardan uzaq duraraq iştiraka önəm verdik. Təcrübəli və səlahiyyətli nazirlərin seçilməsi üçün ciddi iş aparıldı. Bizim əsas məqsədimiz dəyişiklik və inkişafdır", – deyə o bildirib.

Qeyd edək ki, yeni hökumət 22 nazirdən ibarətdir və bu, Bəşər Əsəd rejiminin devrilməsindən sonra ilk keçid hökuməti hesab olunur. Prezident Əhməd əl-Şara və nazirlər Ramazan bayramı namazını Dəməşqdə Xalq Sarayında qılıblar. Paytaxtın şimalında, Qasiun dağındakı Naməlum Əsgər Meydanında isə minlərlə insan ilk Fitr bayramı namazını qılıb.

Mövzuya görə xəbərlər