Bakı, TurkicWorld
ABŞ-nin Florida ştatında polis keçmiş prezident Donald Tramp və vitse-prezident postuna namizəd Ceyms Devid Vensin, eləcə də, onların ailə üzvlərininn ünvanına ölüm təhdidləri səsləndirən şəxsi həbs edib.
TurkicWorld xarici KİV-ə istinadən xəbər verir ki, şəxsin sosial şəbəkədə paylaşdığı təhdidləri görən bir neçə sakin polisə müraciət edib.
Nəticədə o saxlanılıb.
Xatırladaq ki, iyulun 14-də ABŞ prezidentliyinə namizəd Donald Trampın mitinqi zamanı atəş açılıb. Güllə Trampın qulağını zədələyib.
Sui-qəsd cəhdini təşkil edən 20 yaşlı Tomas Metyu Kruks polis tərəfindən zərərsizləşdirilib. Onun hadisəni hansı motivlə törətdiyi hələlik məlum deyil.
