Bakı, TurkicWorld
ABŞ prezidenti Cozef Bayden növbəti müddət üçün prezidentliyə namizədliyini geri götürmək üçün şərtini açıqlayıb.
TurkicWorld xəbər verir ki, Bayden bu barədə "BET" telekanalına müsahibəsində deyib.
O bildirib ki, həkimlər sağlamlığında problem aşkarlayarsa bunu edəcək.
Qeyd edək ki, ABŞ-da prezident seçkiləri noyabrın 5-də keçiriləcək. ABŞ Demokratlar Partiyasının Milli Komitəsi prezident Co Baydenin rəsmi olaraq dövlət başçısı vəzifəsinə namizədliyini irəli sürməyi nəzərdən keçirir.
Prezident seçkilərində Baydenin əsas rəqibi, ABŞ-nin keçmiş prezidenti Donald Trampın namizədliyi iyulun 15-də Respublikaçılar Partiyasının milli qurultayında rəsmi elan olunub.