Bakı. TurkicWorld:
NATO Baş katibi Yens Stoltenberq ABŞ-a səfər edəcək.
TurkicWorld xəbər verir ki, Stoltenberq sentyabrın 18-dən sentyabrın 21-dək Birləşmiş Millətlər Təşkilatının Baş Assambleyasında iştirak etmək üçün Nyu Yorkda səfərdə olacaq.
Sentyabrın 19-da NATO Baş katibi Birləşmiş Millətlər Təşkilatı Baş Assambleyasının 78-ci Sessiyasının açılışında iştirak edəcək. Onun yüksək səviyyəli rəsmilərlə də görüşləri olacaq
Sentyabrın 21-də isə Baş katib Xarici Əlaqələr Şurasında müzakirələrdə iştirak edəcək.
O, həmçinin ABŞ-ın dövlət katibi Entoni Blinkenin ev sahibliyi edəcəyi Transatlantik şam yeməyində iştirak edəcək.
