Bakı, TurkicWorld

Fevralın altısında Türkiyədə baş verən zəlzələ nəticəsində dağıntıların yaşandığı 11 vilayətdən biri olan Kahramanmaraşın Türkoğlu rayonunda konteynerlərdən ibarət “Qardaş koməyi” məhəlləsi yaradılacaq.

Bu barədə TurkicWorld-a “Qardaş Köməyi” platformasından daxil olan məlumatda bildirilir.

“Azərbaycandakı QHT-lər də bir araya gələrək Türkiyədəki zəlzələdən zərərçəkənlərə yardım göndərmək üçün təşkilatlandılar. Azərbaycan Sahibkarlar Konfederasiyası, MÜSİAD Azərbaycan, Azərbaycan Türkiyə İş Adamları Birliyi, Gəncliyə Yardım Fondu, Türkiyə-Azərbaycan İş Adamları və Sənayeçilər Birliyi, KOBİA və digərləri bir araya gələrək, “Qardaş Köməyi” platformasını qurdular”- platformadan daxil olan məlumatda qeyd olunur.

Məlumatda o da qeyd edilir ki , indiyədək əraziyə 100 konteyner, min ton ərzaq, 200 generator, 155 çadır, 2 xəstəxana çadırı, 22 ton dərman və tibbi ləvazimat göndərilib.

“ Bundan sonra da Türkiyədəki zəlzələdən əziyyət çəkən qardaşlarımıza Azərbaycandan yardım göndəriləcək”-deyə məlumatda qeyd olunur.