Bakı, TurkicWorld
Texnologiya və sürət həvəskarlarını bir araya gətirən TEKNOFEST Dron Çempionatının ilk mərhələsi İspartada başlayır.
TurkicWorld xəbər verir ki, TEKNOFEST çərçivəsində 24-25 avqust tarixlərində İsparta Atatürk Stadionunda keçiriləcək TEKNOFEST Dron Çempionatı üçün cəmi 100 fərdi müraciət edilib.
İlkin seçmələr nəticəsində uğur qazanan 32 idmançı 1-ci mərhələ yarış sahəsinə gəlmək hüququ qazanıb.
Üç mərhələdə keçiriləcək çempionatın ikinci mərhələsi sentyabrın 21-22-də Mersində keçiriləcək. İki mərhələnin sonunda ən yüksək bal toplayan iştirakçılar TEKNOFEST 2024 Adanada keçiriləcək möhtəşəm finalda yarışmaq hüququ qazanacaqlar.
Yarışçılara nəqliyyat, yemək, yerləşdirmə və xidmət kimi imkanlar təqdim edilərkən, finalda yer alan idmançılara birinciyə 50 min TL, ikinciyə 40 min TL, üçüncüyə isə 30 min TL mükafat veriləcək.
Qrand finalın qalibi də TEKNOFEST 2024 çərçivəsində keçiriləcək Dünya Dron Kubokunda Türkiyəni təmsil etmək şansı qazanacaq.
Hafiz Rufizoğlu
