Bakı. TurkicWorld:

TurkicWorld-un rəsmi media sponsoru olduğu Balıkesir Universitetində (BAÜN) Avropada Bərpa Olunan Enerji Sistemləri üçün Ali Təhsilin Rəqəmsallaşdırılması [HED-RES-EU]" adlı Ali Təhsildə Aİ Erasmus+ Əməkdaşlıq Tərəfdaşlıqları (KA220-HED) proqramı çərçivəsində Beynəlxalq Təhsil Konfransı keçirilib.

Balıkesir Universitetinin tərəfdaşı olduğu və Bolqarıstandan Trakya Universitetinin koordinasiyası ilə həyata keçirilən layihədə, ali təhsil sahəsində bərpa olunan enerji təhsili üzrə Avropa İttifaqı Ali Təhsil kurikulumunu inkişaf etdirərək ortaq təhsil işbirliklərinin artırılması hədəflənir. Çanaqqala Onsekiz Mart Universiteti, Bolqarıstan Sənaye Palatası, Macarıstandan Pannonica Universiteti, Estoniyadan Phase Growth və İtaliyadan FORTES iştirak edib.

Balıkesir Universiteti adından layihə rəhbəri Prof. Dr. Ergün Dəmirin təşkil etdiyi beş gün davam edən HED-RES-AB layihəsi təhsil konfransında Macarıstan, Bolqarıstan, Estoniya, İtaliya və Türkiyədən 40 akademik və ali təhsilli tələbə iştirak edib.

Təlimdən sonra Rektorluq Senat Salonunda iştirakçılarla bir araya gələn rektor Prof. Dr. Yücel Oğurlu, Balıkesir Universitetinin beynəlmiləlləşmə səylərinə töhfə verən layihədə əməyi keçənlərə təşəkkür edib və sertifikatları iştirakçılara təqdim edib. Sertifikat proqramında universitetlərarası əməkdaşlıq da qiymətləndirilib.