Bakı. TurkicWorld:
Hatayda zərər çəkən binalar ən qısa zamanda yenilənəcək.
TurkicWorld-un məlumatına görə, bu barədə Türkiyənin Ətraf mühit, Şəhərsalma və İqlim dəyişikliyi naziri Mehmet Özhaseki deyib.
“Hatayda 220 min 66 təbii fəlakət iqamətgahı, 34 min 129 kənd evi, 55 min 677 anbar və iş yeri daxil olmaqla cəmi 309 min 872 tikili inşa ediləcək" – deyə Özhaseki bildirib.
Xatırladaq ki, fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub.
Hafiz Rufizoğlu
